کیا حائضہ اذان کا جواب دے سکتی ہے

سوال نمبر 541

السلام علیکم ورحمة الله تعالى وبركاته

سوال حيض و نفاس والی عورتیں اذان کا جواب دے سکتی ہیں  یا نہیں؟ مع حوالہ جواب عنایت فرمائیں

---

وعلیکم السلام و رحمة اللہ و برکاتہ

 الجواب حیض و نفاس والی عورتیں اذان کا جواب دے سکتی ہیں جیسا کہ فتاوی عالمگیری میں ہے کہ و یجوز للجنب والحائض الدعوات و جواب الاذان و نحو ذلک "  جنبی اور حائضہ کیلئے دعائیں پڑھنا اور اذان کا جواب دینا اور اس جیسی چیزیں جائز ہے. ( فتاوی عالمگیری ج 1 ص 38 )

 اور علامہ صدرالشریعہ علیہ الرحمہ تحریر فرماتے ہیں کہ قرآن مجید کے علاوہ اور تمام اذکار کلمہ شریف ، دورود شریف وغیرہ پڑھنا بلا کراہت جائز بلکہ مستحب ہے اور ان چیزوں کو وضو یا کلی کرکے پڑھنا بہتر ہے اور ویسے ہی پڑھ لیا جب بھی حرج نہیں اور ان کے چھونے میں بھی حرج نہیں.

( بہار شریعت ح ١ ص حیض و نفاس کابیان)

 واللہ اعلم  بالصواب 

       کتبہ

الفقیر تاج محمد حنفی قادری واحدی اترولوی