شب برات کے موقع پر حلوہ پکانا کیسا؟

سوال نمبر 787

السلام علیکم ورحمت اللہ 

شب برات کے موقع پر حلوہ پکانا کیسا ہے کیا حلوہ کے علاوہ کسی اور چیز پر نیاز نہیں ہو سکتا 

سائل 

ارشد علی بمبئ

---

وعلیکم السلام ورحمتہ اللہ وبرکاتہ

الجواب اللہم ہدایتہ الحق والصواب

شب برات کے موقع پر حلوہ پکانا جائز ودرست ہے 

کیونکہ 

پکانے کی ممانعت پر کوئی دلیل نہیں اور شرع کا قاعدہ ہے کہ اصل اشیاء میں اباحت ہے یعنی جب تک اس پر ممانعت کی کوئی شرعی دلیل نہ ہو تو اس پر ناجائز وحرام کا حکم نہیں لگایا جاسکتا اور اگر کوئی بلادلیل اس طرح کی دھاندلی کرتا ہے تو وہ جھوٹا ہے اور اس کی بات ساقط الاعتبار ہے

حلوہ اور شہد تو ہمارے سرکار پیارے مصطفی صلی اللہ علیہ وسلم کو پسند تھا جیساکہ بخاری شریف کی صحیح حدیث میں حضرت عائشہ صدیقہ رضی آللہ تعالیٰ عنہا سے مروی ہےکہ

" کان  رسول صلی اللہ علیہ وسلم یحب الحلوآء والعسل " 

لہٰذا 

شب برات کے مبارک ومسعود موقع پرجس طرح حلوہ پکا کر نیاز دلاتے ہیں اسی طرح  دیگر کھانے کی چیزوں پر بھی  نیاز دلا سکتے ہیں 

اللہ تعالیٰ ارشاد فرماتا ہے

یآیھا الناس کلوا مما فی الارض حلالا طیبا ولاتتبعوا خطوات الشیطان انہ لکم عدومبین 

(پارہ دوم سورہ بقرہ ) 

 موجودہ دور میں شب برات کے موقع پر حلوہ ودیگر کھانے کی چیزوں کو پکاکر فاتحہ دلانا اہل سنت کی شناخت وپہچان ہے 

اور منع کرنا بدمذہبوں کی نشانی ہے 

واللہ تعالیٰ ورسولہ اعلم

کتبہ

ابوالاحسان قادری رضوی غفرلہ 

موبائل 9838501782