سوال نمبر 976
السلام علیکم ورحمتہ اللہ وبرکاتہ
کیا فرماتے ہیں علمائے کرام حدیث قدسی اور قرآن میں کیا فرق ہے حوالہ کے ساتھ جواب عنایت فرمائیں
عین نوازش ہوگی سائل محمد عباس اشرفی کچھوچھہ شریف
الجواب بعون الملک الوہاب
حدیثِ قدسی اور قرآن میں فرق بیان کرتے ہوئے صاحب تفسیر نعیمی حکیم الامت مفتی احمد یار خان نعیمی علیہ الرحمہ تحریر فرماتے ہیں کہ
حدیثِ قدسی خواب اِلہام سے بھی حاصل ہوسکتی ہے!!!
قرآن بیداری ہی میں آئے گا ۔ نیز قرآن کے لفظ بھی رب کے ہیں؛ حدیث کا مضمون رب کا ، الفاظ حضور صلی اللہ علیہ وسلم کے
مرآۃ المناجیح ج 1 ص 57 / ایمان کا بیان
(مطبوعہ اسلامک پبلیکیشنز)
مزید تفصل کے لیے مذکورہ کتاب کا مطالعہ کریں
واللہ ورسولہ اعلم بالصواب
کتبہ
محمد معصوم رضا نوریؔ عفی عنہ
۳/ ذی الحجہ ۱۴۴۱ہجری
۲۵/ جولائی ۲۰۲۰عیسوی بروز سنیچر
0 تبصرے