علم راسخون کیا ہے؟

 سوال نمبر 1419

اَلسَـلامُ عَلَيْـڪُم وَرَحْمَـةُ اَلــلّــهِ وَبَـرَڪاتُـهُ‎

کیا فرماتے ہیں علمائے دین و مفتیان شرع متین کہ علم راسخون کسے کہتے ہیں اور وہ کون ہیں ۔۔

بینوا توجرواmجزاك ربي أحسن الجزاء و أوفاه وأجزل الفضل و أسناه

المستفتی:سید رضا مہاراشٹر 

---

وعلیکم السلام ورحمتہ اللہ وبرکاتہ

بسم الله الرحمن الرحیم

الجواب بعون الملک الوھاب

علم راسخون علم کی پختگی  (مضبوط) علم۔ والے کو کہتے ہیں، یعنی ایسے علماء  جو نیک صالح اور باعمل ہوں، 

ارشاد ربانی ہے، 

لٰكِنِ الرّٰسِخُوْنَ فِی الْعِلْمِ مِنْهُمْ وَ الْمُؤْمِنُوْنَ یُؤْمِنُوْنَ بِمَاۤ اُنْزِلَ اِلَیْكَ وَ مَاۤ اُنْزِلَ مِنْ قَبْلِكَ وَ الْمُقِیْمِیْنَ الصَّلٰوةَ وَ الْمُؤْتُوْنَ الزَّكٰوةَ وَ الْمُؤْمِنُوْنَ بِاللّٰهِ وَ الْیَوْمِ الْاٰخِرِؕ-اُولٰٓىٕكَ سَنُؤْتِیْهِمْ اَجْرًا عَظِیْمًا۠

      ترجمہ کنز الایمان           

ہاں جو اُن میں علم میں پکے اور ایمان والے ہیں وہ ایمان لاتے ہیں اس پر جو اے محبوب تمہاری طرف اُترا اور جو تم سے پہلے اُترا اور نماز قائم رکھنے والے اور زکوٰۃ دینے والے اور اللہ اور قیامت پر ایمان لانے والے ایسوں کو عنقریب ہم بڑا ثواب دیں گے۔

 تفسیر صراط الجنان  میں ہے،        

   لٰكِنِ الرّٰسِخُوْنَ فِی الْعِلْمِ مِنْهُمْ     : لیکن ان میں علم میں پختگی والے ۔}      یہودیوں کی اکثریت گمراہ اور بدکردار تھی لیکن      ان میں کچھ لوگ اچھے بھی تھے جیسے حضرت      عبداللہ      بن سلام      رَضِیَ اللہُ تَعَالٰی عَنْہُ      اور اُن کے ساتھی جو گزشتہ انبیاء      عَلَیْہِمُ الصَّلٰوۃُ وَالسَّلَام     پر ایمان، راسخ و مضبوط علم ،صاف عقل اور کامل بصیرت رکھتے تھے، انہوں نے اپنے علم سے دین اسلام کی حقانیت  کو جانا اور سید انبیاء      صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   پر ایمان لائے۔     

رَاسِخْ فِی الْعِلْم کی تعریف:    

    رَاسِخْ فِی الْعِلْم    وہ عالم ہے جس کا علم اس کے دل میں اتر گیا ہو جیسے مضبوط درخت وہ ہے جس کی جڑیں زمین میں جگہ پکڑ چکی ہوں ، اس سے مراد خوش عقیدہ اور با عمل علماء ہیں۔ اس سے معلوم ہوا کہ عالمِ باعمل کا ثواب دوسروں سے زیادہ ہے کیونکہ با عمل عالم خود بھی نیک ہے اور وہ دوسروں کو بھی نیک بنا دیتا ہے۔ چاہیے کہ عالم کا عمل سنتِ نَبَوِی کا نمونہ ہو اور اس کی ہر ادا تبلیغ کرے۔ اس سے اشارۃً یہ بھی معلوم ہوا کہ بے دین یا بے عمل عالم کا عذاب بھی دوسروں سے زیادہ ہے کیونکہ وہ گمراہ بھی ہے اور گمراہ کُن بھی اور اس کی بد عملی دوسروں کو بھی بد عمل بنا دے گی۔ 

(سورہ نساء تحت آیۃ ۱٦٢) 

واللہ و رسولہ اعلم بالصواب

         کتبہ

فقیر محمد معصوم رضا نوریؔ عفی عنہ، 

۲٦ جمادی الثانی ۲٤٤١؁ ھجری