(شوہر ماں اور ایک بھائی میں وراثت کیسے تقسیم کریں؟)

 سوال نمبر 2196

السلام علیکم ورحمتہ اللہ وبرکاتہ

کیا فرماتے ہیں علماء دین مفتیان شرع متین کہ ہندہ کا ترکہ مندرجہ ذیل ورثاء میں کس طرح تقسیم ہوگا۔

1۔ شوہر

2۔ ماں

3۔ ایک حقیقی بھائی 

یہی تین وارث ہیں ان میں کس کو کتنا حصہ ملے گا۔ 

المستفتی محمد عامر رضا واحدی لکھیم پور کھیری

وعلیکم السلام ورحمةاللہ وبرکاتہ 

الجواب۔بعون الملک الوھاب  

بعدتقدیم ماتقدم علی الارث وانحصارورثه فی المذکورین ہندہ متوفیہ کے کل مال تروکہ کو چھ حصہ کیا جائےجس میں سے تین حصہ( نصف) شوہر کودیا جائے

ارشادباری تعالی :وَلَكُمْ  نِصْفُ  مَا  تَرَكَ  اَزْوَاجُكُمْ  اِنْ  لَّمْ  یَكُنْ  لَّهُنَّ  وَلَدٌۚ-

ترجمہ:اور تمہاری بیویاں  جو چھوڑ جائیں  اس میں  سے تمہیں  آدھا ہے اگر ان کی اولاد نہ ہو۔

بچا تین حصہ تو دوحصہ (چھ کا ثلث ) ماں کو ملے گا ارشادباری تعالی : فَاِنْ  لَّمْ  یَكُنْ  لَّهٗ  وَلَدٌ  وَّ  وَرِثَهٗۤ  اَبَوٰهُ  فَلِاُمِّهِ  الثُّلُثُۚ-

اپھر اگر اس کی اولاد نہ ہو اور ماں  باپ چھوڑے تو ماں  کا تہائی (پارہ  ٤ سورہ النساء آیت  ١٢ )

اورباقی بچاایک حصہ قتو وہ ہندہ کے بھائی کو ملے گا ۔ 

مسئلہ   6 

شوہر ۔۔۔۔۔ ۔۔۔۔۔۔۔۔۔۔۔۔۔۔۔۔  3

ماں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

بھائی ۔۔۔۔۔۔۔۔۔۔۔۔۔ ۔۔۔۔۔۔۔   1

وھوسبحانہ تعالی اعلم بالصواب 

کتبه 

العبد ابوالفیضان محمد عتیق اللہ صدیقی فیضی یارعلوی ارشدی عفی عنہ 

دارالعلوم اھلسنت محی الاسلام 

بتھریاکلاں ڈومریا گنج سدھارتھ نگر یوپی ۔

٤  صفرالمظفر          ١٤٤٤ھ

٢    اکتوبر               ٢٠٢٢ء