شوہر اور باپ شریک دو سوتیلی بہنوں کو چھوڑی تو کیسے مال تقسیم ہو

(سوال نمبر 2331)

 السلام علیکم ورحمۃ اللہ وبرکاتہ 
کیا فرماتے ہیں علمائے کرام اس مسئلہ میں 
ہندہ نے شوہر اور باپ شریک دو سوتیلی بہنوں کو چھوڑی تو اب ہندہ کی وراثت میں سے کون کتنہ حصہ پائےگا 
برائے مہربانی جواب دیکر شکریہ کا موقع فرمائیں 
سائل محمد احسن رضا قادری ناگپور

وعلیکم السلام ورحمةاللہ وبرکاتہ 
الجواب۔بعون الملک الوھاب  ۔ 

 برصدق مستفتی بعدتقدیم وماتقدم علی الارث وانحصارورثہ فی المذکورین ہندہ مرحومہ کےکل مال متروکہ کا سات حصہ کیا جاۓ جس میں سے تین شوہر کو دیاجاۓگا ۔ ہندہ مرحومہ کے کل مال متروکہ  میں سے شوہر کو  نصف ( آدھا )ملے گا ۔ 

بہارشریعت میں ہے ،، شوہر کو کل مال کا آدھا    اس صورت میں   ملے گا جبکہ اس کے ساتھ میت کا کوئی بیٹا بیٹی یا پوتا پوتی (نیچے تک) نہ ہو۔ (عالمگیری جلد ٦ صفحہ ۰ ٤٥، درمختار جلد ۵ صفحہ ٦٧٦ )

ارشادباری تعالی :۔ وَ  لَكُمْ  نِصْفُ  مَا  تَرَكَ  اَزْوَاجُكُمْ  اِنْ  لَّمْ  یَكُنْ  لَّهُنَّ  وَلَدٌۚ-ترجمہ:اور تمہاری بیویاں  جو چھوڑ جائیں  اس میں  سے تمہیں  آدھا ہے اگر ان کی اولاد نہ ہو۔(پارہ  ٤  سورہ النساء  آیت   ١١  ،  ١٢ )

باقی بچے چار حصے تو دو دو حصہ دونوں سوتیلی بہنوں کودے دیاجاۓگا ۔ ارشادباری تعالی ۔فَاِنْ كَانَتَا اثْنَتَیْنِ فَلَهُمَا الثُّلُثٰنِ مِمَّا تَرَكَؕ-پھر اگر دو بہنیں  ہوں  ترکہ میں  ان کا دو تہائی۔

مسئلہ 6 عول 7 
شوہر ۔۔۔۔۔۔۔۔۔۔۔۔۔۔۔۔۔ 3
بہن ۔۔۔۔۔۔۔۔۔۔۔۔۔۔۔۔۔۔۔2
بہن ۔۔۔۔۔۔۔۔۔۔۔۔۔۔۔۔۔۔2
وھوسبحانہ تعالی اعلم بالصواب 
کتبه 
العبد ابوالفیضان  محمد عتیق اللہ صدیقی فیضی یارعلوی ارشدی عفی عنہ 
دارالعلوم اھلسنت محی الاسلام 
بتھریاکلاں ڈومریا گنج سدھارتھنگر یوپی ۔ 
٤   جمادی الاولی   ١٤٤٤ھ
 ٢٩     نومبر         ٢٠٢٢ء

مسائل شرعیہ کے جملہ فتاوی کے لئے یہاں کلک کریں

فتاوی مسائل شرعیہ کے لئے یہاں کلک کریں