چھ بیٹے تین بیٹیاں ہیں توکیا حکم ہے؟

سوال نمبر 2349

السلام علیکم  ورحمةاللہ  وبرکاتہ ! مفتیان کرام و علماء دین متین سے وراثت کی تقسیم کے بارے قرآن وحدیث کی روشنی میں جواب مطلوب ھے؟ ایک شخص فوت هوا اس شخص سے پہلے اسکی زوجه کا انتقال ھوگیا تھا اب اولاد میں وارث چھ بیٹے اور تین بیٹیاں هیں ان ورثان میں حصے کس طرح تقسیم ھونگے رقم یا جائیداد وغیرہ کے۔       

بینوا وتوجروا ۔ 

المستفتی ۔۔ محمد حسن قادری بلرامپور یوپی ۔

وعلیکم السلام ورحمةاللہ وبرکاتہ 

الجواب۔بعون الملک الوھاب  ۔

 برتقدیر صدقِ سائل وانحصار ورثاء در مذکورین بعدِ اُمورِ ثلاثہ متقدّمہ علی الارث بحسبِ شرائطِ فرائض مرحوم کے کل مال متروکہ منقولہ وغیرمنقولہ کا پندرہ (15)حصہ کیا جاۓ ۔ جس میں سے ہر ایک لڑکے کو دو دو حصے اور ہر ایک لڑکی کو ایک ایک حصہ دیاجاۓگا ۔  

ارشادباری تعالی :۔

{ یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ ۔

ترجمہ: اللّٰہ  (عزوجل) تمہیں  حکم دیتا ہے تمہاری اولاد کے بارے میں  بیٹے کا حصہ دو بیٹیوں  کے برابر ہے ۔ 

مسئلہ   15  =

لڑکا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔2

لڑکی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔1

لڑکی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔1

لڑکی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔1

وھوسبحانہ تعالی اعلم بالصواب 

کتبه 

العبد ابوالفیضان محمد عتیق اللّه صدیقی فیضی یارعلوی ارشدی عفی عنہ 

دارالعلوم اھلسنت محی الاسلام 

بتھریاکلاں ڈومریا گنج سدھارتھنگر یوپی ۔ 

المتوطن ۔ مقام پھلواپور کھڑریابزرگ پوسٹ گورابازار ضلع سدھارتھنگر یوپی ۔ 

٦       جمادی الاخری      ١٤٤٤ھ

٣٠        دسمبر                ٢٠٢٢ء